兩位炙手可熱嘅本地紋身師Jimmy、Dust，眼見越嚟越多人入行，但香港紋身界仍然欠缺團結同交流，所以決定開間Pop-up紋身店，邀請不同層面嘅紋身師一齊交流，並以唔同客人嘅故事、一個個精緻細膩嘅紋身，將大家帶入紋身世界！用墨水記低客人每段獨特嘅回憶。
CEO化身「賈博士」，帶領拾壹同學透過史實、流行文化、生物學等角度，去研究一系列源遠流長、博大精深嘅粵語粗口！希望大家更深入了解粗口文化之餘，亦喺未來屌得更出色～
全新烹飪比賽節目，將Hip Hop溝埋煮餸一齊玩！20位歌手、演員、KOL廚藝大鬥法，從MC徐爾門嘅自創rap當中，搵出每道菜式嘅所需食材，再由兩位主廚——泰山、Kiki Hime以高壓、高速嘅形式指導參賽者完成指定菜式！
一連七集《老戲橫秋》，由港台前編導蔡玉玲親自製作；帶住秋生走入後生仔嘅世界，當年屆60嘅「老戲骨」黃秋生遇上一班90後，究竟係會火花四濺抑或friend過打band？
達明一派堅守香港樂壇35週年，一直以音樂去紀錄城市興衰。喺2020年瘟疫蔓延時舉行嘅演唱會，Replay《意難平》、《神經》呢兩張以89-90年政局動盪為背景嘅經典專輯，繼續用音樂陪伴港人度過黑暗時期！
杜汶澤繼《走佬去台灣》後再次出走，由香港越洋到寶島尋覓「同鄉」，細說他媽的故事！CEO以港人視角帶大家體驗台灣貼地生活，遊歷台北、台中、台南、花蓮等地風光，旅程保證他媽的爽～
香港打工仔堪稱係最捱得苦嘅生物，但有啲職業真係唔係個個願做，我哋稱之為「懲罰性工種」！節目《社會服務令》就係要一班藝人搵出不同嘅「另類職人」，跟佢哋學嘢搵錢～咁惡頂嘅工都肯制，係因為愛，定係責任呢？
《黃秋生大師班》由影帝、視帝、劇帝黃秋生親自教授，六位本地演員將會成為學員，經歷一系列嘅地獄式演技課程訓練；究竟邊個可以順利畢業？邊個可以成為秋生哥心目中嘅「好演員」呢？
上年「喱騷」分別請到中西玄學大師楊天命、夢妮妲，為我哋嘅觀眾預測2020年運程，結果都相當準確！所以今年決定中西合璧，請兩位大師「一測再測」，一齊講下2021年嘅香港運程、12生肖同埋12星座運程！唔知師父會唔會又中呢？
漫天烽煙，呢個城市彷彿再無喘息空間。 但面對壓迫，只要有一息尚存，定必作戰到底！香港人，企硬！ 2020年《杜汶澤 Stand Up Hong Kong 香港企硬》，十二場精彩賽事完滿落幕，一齊重溫CEO化身Rocky，喺擂台上企硬開騷！
「英雄」以前都係人，不過佢做到人做唔到嘅嘢之後，佢就成為咗「英雄」。究竟CEO又經歷咗啲乜，由一個乜都唔識嘅肥仔阿木，搖身一變台上嘅爆肌Rocky呢？《香港企硬 製作特輯》，為你揭露杜汶澤Talk show背後嘅辛酸！地獄式體訓練，加埋密集嘅排練，為演出谷到最盡！
由於日本係香港人最常去旅行嘅地方，所以堪稱香港人嘅「第二個家」；但真正嘅日本文化，香港人又知幾多呢？CEO夥拍「日本通」盤菜瑩子帶大家走一轉輕鬆而愉快嘅旅程，同時了解日本地道文化同各行各業！
學海無涯，就算大家投身社會大學，都需要學習唔同行業、手藝，去令大家生活過得更美滿。等CEO以身作則，去搵各界高人拜師學藝，等大家都可以喺「教育電視」當中偷下師！
耶穌都講過，食色性也！「性」係人類必修嘅一門學問，有請食盡天下仔（佢就想）嘅雪雪、聲色俱存嘅貝貝，以及性治療師Ms Ho陪同CEO，以自身經驗、對性愛嘅獨有見解，解答各位聽眾對性愛方面嘅疑難，為求大家睇得開心、扑得開心！
